काठमाडौं । नेपाली कांग्रेसका सभापति शेरबहादुर देउवाले पूर्वराजा ज्ञानेन्द्र शाहलाई पार्टी सभापति बनाउन राप्रपालाई सुझाव दिएका छन् ।
पार्टीको बागमती प्रदेश प्रशिक्षण विभागले आयोजना गरेको कार्यक्रमलाई सम्बोधन गर्दै देउवाले ज्ञानेन्द्र संवैधानिक राजा बन्न लायक नभएको भन्दै राप्रपालाई पार्टी सभापति बनाउन भनेका हुन् ।
राप्रपा लगायत राजावादी शक्तिहरुले राजतन्त्र फर्काउने भन्दै आन्दोलनका कार्यक्रमहरु गर्न थालेपछि देउवाले राजतन्त्र फर्किने कुनै सम्भावना नरहेको भन्दै यस्तो प्रतिक्रिया दिएका हुन्।
‘ज्ञानेन्द्र संवैधानिक राजा बन्न लायक मान्छे पनि होइनन् । जाननीति नै गर्नेभए बरु राप्रपाले पार्टी सभापति बनाए हुन्छ । अथवा पार्टी खोलेर गरे भइहाल्यो नि ।’
