काठमाडौ । बबिना भट्टराईको स्वर तथा संगीतमा गजल ‘मदहोस’ सार्वजनिक भएको छ।
पछिल्लो समय विभिन्न सुमधुर गीत, गजल, भजन र नेपाली गीति क्षेत्रमा पहिलो चारु गाएर नेपाली सुगम संगीतमा छाइरहेकी चर्चित गायिका बबिना भट्टराईको स्वर तथा संगीतमा सार्वजनिक भएको छ । म्युजिक नेपालको स्टुडियोमा नकुल कार्कीले रेकर्ड गरेका उक्त गजलको एरेन्ज मनोहर सुनामले गरेका छन् भने मिक्सिङ र मास्टरिङ प्रकाश खरेलको रहेको छ ।
केहि दिन अगाडि गजलको अडियो बबिना भट्टराईको युट्व च्यानल र इमेज एफ.एम. ९७.९ को प्रस्तुति ‘मेची देखि महाकाली सम्म’ बाट एक साथ सार्वजानिक भएको थियो । भिडियो बबिना भट्टराईको अफिसियल युट्व च्यानलबाट सार्वजनिक भएको छ । इमेज एफ.एम. ९७.९ को प्रस्तुति ‘मेची देखि महाकाली सम्म’ मार्फत गजल सार्बजनिक गर्दै गजलकार ‘श्रृङ्खला’ले आफ्ना गजलका शेरहरुलाई गायिका तथा संगीतकार बबिना भट्टराईले निकै मेहनतका साथ आफ्नो स्वर तथा संगीत दिएकीले गजल ‘मदहोस’ श्रुतिमधुर बनेको बताएका छन् भने भिडियोमा बबिना आफै फिचर्ड भएकी छिन् । बाद्यवादन समुह संग बाद्यवादन सहित स्टेजमा रहेर गजल गाइरहेको भिडियोले गजलको महफिलको अनुभूति गरेको दर्शकहरुले प्रतिक्रिया दिएका छन् । ए.जे. अजुको छायाँकंन र निर्देशनमा तयार भएको मदहोस गजलको भिडियो अनिल बिष्टले कलर र सम्पादन गरेका छन् ।
भिडियो हेर्नुहोस्
