नेपाली सेनाको हेलिकप्टरमार्फत् जाजरकोटबाट एक जना सुत्केरीको उद्धार गरिएको छ ।
जुनिचाँदे गाउँपालिका–६ की ३० वर्षीया राजुकुमारी शाहीलाई हेलिकप्टरबाट उद्दार गरेर कर्णाली प्रदेश अस्पताल सुर्खेतमा ल्याइएको छ ।
शनिबार सुत्केरी हुनका लागि शाहीलाई घरबाट प्राथमिक स्वास्थ्य केन्द्र जुनिचाँदे गर्खाकोट ल्याइएको थियो । शिशुको जन्म भएपछि शाहीको अत्यधिक रक्तस्राव भएका कारण थप उपचारका लागि कर्णाली प्रदेश अस्पतालमा पठाइएको जिल्ला प्रहरी कार्यालय जाजरकोटले जनाएको छ ।
अहिले सुत्केरी शाहीको कर्णाली प्रदेश अस्पतालमा उपचार भइरहेको उनका श्रीमान् विष्णुबहादुर शाहीले बताए ।
