काठमाडौं । प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच आज प्रधानमन्त्रीको सरकारी निवास बालुवाटरमा भेटवार्ता भएको छ।
भेटका क्रममा सरकारलाई कसरी थप बलियो बनाएर अघि बढ्ने भन्ने विषयमा छलफल भएको प्रधानमन्त्रीका प्रेस संयोजक रामशरण बजगाईंले जानकारी दिए।
प्रमुख प्रतिपक्षी दलका नेता एवं माओवादी केन्द्रका अध्यक्ष पुष्पकमल दाहाल प्रचण्डले सत्ता परिवर्तन हुने अभिव्यक्ति दिइरहेका बेला ओली-देउवा भेटलाई बालुवाटरले भने नियमित छलफल भएको बताएका छन्।
‘संयुक्त सरकारका दुई नेताबीचको भेटघाट हुनु स्वभाविक नै हो। उहाँहरूबीच करिव एक घण्टा चलेको छलफलमा सरकारलाई थप कसरी प्रभावकारी बनाउने भन्ने विषयमा छलफल भएको छ,’ उनले भने।
पछिल्लो समय सरकार परिवर्तनको हल्ला प्रचण्डको छटपटी मात्र भएको बालुवाटार स्रोतको दाबी छ। यद्यपि, सरकारको कार्यसम्पादनमाथि सत्ता गठबन्धनकै नेताहरूले प्रश्न भने उठाइरहेका छन्।
