काठमाडौं । सङ्क्रमणकालीन न्यायबारे छलफल गर्न बोलाइएको तीन शीर्ष नेताहरूको बैठक सकिएको छ । प्रधानमन्त्री केपी शर्मा ओलीले सिंहदरबारमा बोलाएको बैठकमा नेकपा माओवादी केन्द्रका अध्यक्ष पुष्पकलम दाहाल ‘प्रचण्ड’ भने सहभागी भएका थिएनन् । छलफल ओली र नेपाली कांग्रेसका सभापति शेरबहादुर देउवामा मात्रै सीमित भएको थियो ।
आफूलाई सरकारी निर्णयको साक्षी मात्रै बनाउने गरीएको भन्दै असन्तुष्टि जनाएर छलफलमा प्रचण्ड अनुपस्थित भएका हुन् । त्यसपछि ओली र देउवाबिच मात्रै छलफल भएको थियो । करिब एक घण्टा लामो छलफल सकाएपछि ओली र देउवा सिंहदरबारबाट छुट्टिएका हुन् ।
