कर्णाली प्रदेश सरकारको बजेट अधिवेशन यही वैशाख २८ गतेदेखि शुरू हुने भएको छ ।
प्रदेश सरकारका मुख्यमन्त्री यामलाल कँडेलको अध्यक्षतामा हिजो बसेको मन्त्रिपरिषद्को बैठकले कर्णाली प्रदेश प्रमुख यज्ञराज जोशीसमक्ष प्रदेशसभा बैठक आह्वानको सिफारिश गर्ने निर्णय गरेको हो ।
प्रदेश सरकारद्वारा आह्वान गरिएको अधिवेशनले आउँदो आर्थिक वर्षको नीति, कार्यक्रम तथा बजेट तर्जुमा गर्नेछ ।
त्यसका निम्ति प्रदेश सरकारले बजेटको दायरा बढाउने गरी नीति तथा कार्यक्रमलाई तीव्रता दिएको प्रदेश सरकारका प्रवक्ता एवम् भूमि व्यवस्था कृषि तथा सहकारीमन्त्री विनोदकुमार शाहले जानकारी दिनुभयो ।
कर्णाली प्रदेशसभाको दोस्रो कार्यकालको पाँचौं अधिवेशन गत चैत १८ गते अन्त्य भएको थियो ।
